Innsang Pa Zuri In A Fanu A Vuak Ciamco Ih A Thi

Shan State, Aungpan khua ih um pacang kum 60 mi hrawng cu zu a ri ih a fanu kum 20 mi cu a vuak ciamco, a lu a vuak kuai ih a thisen a suak tamtuk ruangah a nunnak a liam.

July 17 zanlam ah pacang cu zuri zetin a tlung ih a fanu cu kut a thlak ciamco, July 19 ah vengsung mipi pawlin an va zoh ih innsung ah thicia in an hmu. Vengsung mi pakhat in, “An pafa lawngin an um, a pa hi zu a rit tinten a fanu cu a vel áš­heu. Himi sun ahcun nasa zetin a vuak ciamco, an thamvang hi vengsung mipi pawlin an thei nan zohman in an va zoh lo.

Nithum sung a fanu ih hmel an hmu lo ruangah vengsung mipi pawl cu an koaw khawm ih an innsung ah an va zoh ih thicia in an hmu” a ti. Vengsung mipi pawlin mithi ruak an hmuh veten mibawmtu pawlkom hnenah an sim thei, innsang pa khal palik pawlin an kai.

Mibawmtu pawlkom in, “Kan va thleng tikah cun arak thi zo, a taksa parah hliamhma nasa zet a tuar. A lu khal a kuai, mithi ruak cu siizung ah kan phur ih zohdiknak an nei rero lai. A pa khal palik sakhan ah an hruai” a ti.

Be the first to comment

Leave a Reply

Your email address will not be published.


*