Innsang Pakhat Cu An Rawlei Laiah Namtong In An Sat, 2 An Thi Ih 2 In Hliam Nazet An Tuar

Mon State, Mawlamyine khawpi, Myaing Thar Yar veng sungih um innsang pakhat cu November 13, 2021 zan nazi 7:30 hrawngah zanriah an ei. Cutin an rawlei laitak ah an hnaṭuantu hlun in ava lutchilh ih namtong in a sat ciamco, innsang pabik le a fapa kum 7 mi cu a hmun ah an thi cih.

A nupi le a fanu kum 13 mi khal hliamhma nazet an tuar. Innsang nubik ih lu, hngawng le kutngel tan zikte in hliam a tuar. An fanu kum 13 mi ih lu le hngawng ah nam ih sahnak hliamhma nasa zet a tuar ih Mawlamyine siizung ah an tuamhlawm rero lai.

Tui dinhmun ahcun an nunnak hrang seherh um tuk cu an si nawn lo tin mibawmtu pawlkom in an rel. Hliamtuar innsang nu in “Nam ih sattu cu a hlanah an hnaṭuantu a si. An dawr ah hnaṭuan in arak um, nupi nei lai a si nan nupi dang neih a tum ruangah amahten hnaṭuannak ihsin a suak thu pawl mibawmtu hnenah a sim.

Ziangruangah a hnaṭuannak hlun a pu tei innsang cu namtong in ava sat ti cu theih a si hrih lo, tualthattu hi tutiang an kai ngah hrih lo ih an hawl rero lai.

Be the first to comment

Leave a Reply

Your email address will not be published.


*