ISIS Pawlin Phuba Laknak Ah W. Bush An That Tum

ISIS pawlin America president hlun kum 75 mi George W. Bush cu phuba laknak ah that an tum ti thuthang a suak. Kum 52 mi Shihab cu Iraq raltlan a si ih Mexico ramri ihsin US ramsung ah a lut thup.

Shihab cu US ramsung ah kum 2 lenglo aum zo. Restaurant le market ah hna a ṭuan ṭheu, ISIS pawl thawn an pehtlaihaw ih W. Bush that an tum, Shihabin in W. Bush inn umdan le an kilhim dan pawl cu arak zoh thup ih video in a zuk ṭheu.

Mexico ramri ihsin Iraq misual ṭhenkhat khal a hruailut zo ti an thei. FBI pawlin an zingzoi ih Shihab cu an kai ngah, a phone sung an zohsak hnuah an thiltuah tummi cu an thei. 2003 kum ah W. Bush kaihruainak in US ralkap pawlin Iraq ram an siim/nuai ciamco ruangah cumi phuba laknak ah that an tum ti an thei.

US ramsung ih tlanlut Iraq general hlun khal that an tum thotho, Iraq general hlun cu Iraq ramsung buai laiah US ramtang arak si. Tu’ah US ramsung ah aum zo ih a hmin le a sinak pawl khal an thleng danglam thluh zo.

Shihab cu FBI pawlin an kai ngah zo ih thu an sut rero lai, thiamlo a co asilen kum 30 sung thawngthlak le $500,000 zat a kuan ding. ISIS pawl ih cangvaih tumdan pawl cu FBI pawlin an zingzoi rero lai.

Be the first to comment

Leave a Reply

Your email address will not be published.


*