Israel Hotel Ah Baptisma Petu Johan Ih Rawl Vek A Cah Theih

Israe, Hargol FoodTech ah baptisman petu Johan ih rawl vek a cah theih, a rawl cu kharbok le khuaitizu a si. Jordan tiva kap ah kharbok vulhnak hmunpi an tuah, kharbok hi minung hrangah a ṭha zet. Zingzoitu pawlin kharbok sungah vitamin kimcang aum ti an hmusuak.

1950 kum ah leitlun ah kharbok thlisia a hrang ciamco, kharbok in an hanghnah hangrah pawl an ei. Mi tampi cu kharbok dawitlan dingin an buai rero laiah Israel pawl cu kharbok ei dingin an rak kai.

Zingzoitu in, “Kharbok cu nauhak thanlennak hrang khalah a ṭha, an thluak thahri khal a cakter. Thausia a hlon ih kan taksa sunglam a tuah ṭha” a ti. Kharbok hi a ṭha an ti nan Pathian in Egypt ram hremnak ah kharbok arak hmang zo.

Bible sung khalah kharbok ei thiang le thiang lo an um thu hitin a tarlang. (Leviticus 11:20-23) “An khirnak dingih ke hlikhlok neimi siar lo, thla a nei ih ke li neimi cucik kharbok hmuahhmuah cu ei thiang lo an si. Kharbok, umzir le bawkhring pawl cu nan ei thei ding. Asinan a dang cucik kharbok thla a neimi le a bokvakmi pawl hmuahhmuah cu ei thiang lo an si”.

Be the first to comment

Leave a Reply

Your email address will not be published.


*