Israel Ih Um Australia Pacang Cu Kum 8,000 Sung Israel Ram Suahsan An Siang Lo

Australia tlangval le Israel fala cu an duhaw ih an neihawk hnuah fate 2 an nei. An ṭhenawk hnuah a nupi in a fate 2 hruai in an ram Israel ah a tlunsan, 2012 kum ah kum 44 mi Noam cu a fale pahnih kiangih um dingin Israel ram ah ava feh. Cumi hnuah an nupa karlak thu a buai vivo, an ṭhenawk hnuah innsang nu in a fale 2 cawmnak dingah sumpai pe ṭheu dingin court ah taza a cuai.

Israel court in an thuhla hi a buaipi rero hnuah, ‘Na fale pawl cawmnak ah $3 million na pe ding, na pe lo asilen kum 8,000 sung Israel ram hi na suahsan thei lo. December 31, 9999 lawngah nan ram ah na tlung thei ding” tin thu an ṭhencat.

Israel daan le dun ah nupa an ṭhenawk hnu khalah mipa in a fale pawl cawmnak ah sumpai a pe ṭheu ding tin daan aum, thlatinten a pe lo asilen a pek lo thla ah ni 21 sung thawng a tla ding timi daan le dun an rak nei.

Cun, nunau in a fale cawmnak ah a pasal hlun hnen ihsin sumpai a ngah lo asilen nunau in a pasal hlun ih khualtlawnnak, vaksuak thei lo dingin thubuai a thehlut thei. Noam in, “2013 kum ihsin Israel ramsung ah ka tang zo, midang Israel nunau neitu pawl khalin buainak phunphun an tong” tin Human Rights Groups hnenah bawmnak ava dil.

Be the first to comment

Leave a Reply

Your email address will not be published.


*