Israel Thawnginn Hngetkho Tuk Ihsin Thawngtla 6 An Tlansuak

Israel thawnginn hngetkho bik an timi Gilboa prison ihsin thawngtla 6 an tlansuak thei cu leitlun mipi in mak an ti tuk. Thawngtla tlansuak pakhat cu Palestine ralkap hruaitu Zakaria Zubeidi a si, midang 5 khal Al-Aqsa Martyrs’ Brigade ralkap pawl an si.

Zubeidi cu 2019 kum ah Israel ralkap pawlin an kai, thawngtla 4 cu damsung thawngtla dingin an thu an ṭhencat mi an si. Thawngtla tlansuak 2 khal Palestine ralkap an si ih ziangvek hremnak an orhter ti cu theih a si lo.

Thla reipi sung an bathroom lei an rak virhkua ih thawnginn lenglam ah an tlansuak thei. Lei an virhkuanak thilri an thuhmi pawl khal an hmusal. Israel cozah in thawnginn kiltu le intelligence pawl ih daithlan ruangah a si a ti.

Palestine mipi in “Pasalṭha pawl ih cangvaihnak ropi a si. Kan pasalṭha ralkap pawl cu ral kutsung khalah nehnak an va co vivo” tin an rak lawm rero.

Thawnginn sung an um lai khalah lenglam mi thawn an pehtlaihaw ṭheu ding ti an zum, thawngtla tlansuak pawl cu an kai ngah hrih lo ih an hawl rero lai. Ramri khal hngetkho zetin an kil thepthep ih mi vaksuak pawl cu zohdiknak an nei vivo. (BBC)

Be the first to comment

Leave a Reply

Your email address will not be published.


*