Italy Ah Myanmar Ram Hrang Thlacam Khawmpi An Nei

Italy khawpi Rome ah Myanmar ram hrang thlacam khawmpi an nei, May 29 sunah Catholics le Buddhists pawl cu Milan Cathedral biakinnpi ah thlacam khawmpi an nei ih minung khal an tam zet.

Pope Francis, Archbishop Mario Delpini in a hoha ih thusim tawi anei. Archbishop Mario Delpini in “Myanmar ramsung buainak ah sualnak nei lo minung tam zet an thi zo, Myanmar ralkap pawlin sualnak nei lo nauhak tete khal an that.

Kachin le Kayah ramsung ah ralkap pawl an cangvai nasa zet ih mipi inn le lo pawl an urkang sak, an thatmi lakah Christian khal tampi an um. Kayah khawpi Loikaw le Pekhon cu Catholics ih rawngbawlnak tualrawn pakhat a si.

Myanmar ram cu kan unau Buddhist pawl ih ram a si. Tuisun ah nan ra tel thei ve ih kan lungawi. 2007 kum khalah Buddhist phungyi pawlin Saffron Revolution tin zalennak an rak sual ih ralkap pawlin an kap that ciamco zo…” tin thutawi a sim hnuah phungyi pawl thawn thlacamnak an nei tlang.

Be the first to comment

Leave a Reply

Your email address will not be published.


*