Italy Milem Tuah Thiam In Hmuh Theih Lo Milem A Zuar Ih $18,300 In An Lei, Milem Cu Boruak In A Tuah

2021 kum sungah kan um zo ih thilmak a thleng rero. Kum 67 mi Salvatore Garau cu Italy milem tuah thiam hminthang pakhat a si.

Tuiṭum ih a milem tuahmi cu a danglam zet ih hmuh theih lo milem a tuah ih a tuahnak ah bungrua zianghman a hmang lo. Boruak lawng in a tuah, feet 5 ih sang a si ih a hmin ah “Io Sono” (I am) ti a si.

May 2021 ah lilamnak an rak nei ih $7,000 in an thok hnuah a cemnak ah US$18,300 in an lei. Milem ngaingai a si ti theihternak ah certificate khal a pe cih, a leitu pawlin an hmu thei lo ih an tham thei fawn lo.

Mipi in an zum lo tuk ih a phunphun in an soisel ruangah Salvatore Garau in “Pathian teh kan hmu thei lo ruangah aum lo tinak maw si?” a ti. Salvatore Garau in hmuh theih lo milem a tuah hi a veikhatnak a si lo.

February thla khalah arak tuah zo ih Milan, Piazza della Scala lamzinkap ah a ret. New York lamzin kap khalah milem hmuh theih lo arak ret zo. A milem ret mi cu tuini tiang mipi in an hmu thei hrih lo nan an umnak cu mawi zetin a tuah.

Be the first to comment

Leave a Reply

Your email address will not be published.


*