Japan Cozah In Thi Le Thau Cem In Tiva Fen An Runsuak, Asinan Minung Arak Si Lo Ih Mipa Diriamnak Milem A Si

Japan ramah nupa-sinak milem hi a lar zet, ṭhenkhat cun minung ngai aiin milem hi an duh sawn ih nupi ah tla an nei. June 18, 2021 sunah tivakap ih um pawlin tiva ah minung an hmu ih bawm a ṭul ti an zum ruangah runsuaktu pawl an ko.

Tiva kap ahcun minung tam zet an um ih thinphang zetin an zoh rero, runsuaktu pawlin het leh chet tin an buaipi rero hnuah tiva kap ah an dirsuak thei ih minung ngai arak si lo.

Nupa-sinak ih an hmang ṭheumi milem arak si, tiva kap ih um Tanaka Natsuki in “Tiva ih nga ka sio laiah palik motor, fire trucks, ambulances le runsuaktu pawl an ra thleng ciamco.

Tiva tla an um tin an buaipi hnuah milem men arak a si. Ziang asikhallen mi nupi an runsuak ih a lungawi um thotho” tin a Twitter ah a tarlang. Online mipi in “Nan hmang duh nawn lo asikhallen hlon men loin ṭhaten phum uh” an ti.

Be the first to comment

Leave a Reply

Your email address will not be published.


*