Japan In 10-0 In Myanmar A Neh

2022 World Cup lek thei dingih zuamawknak cu Japan ramah an nei rero lai. Tuizan May 28 zanlam ah inntek Japan le Myanmar an lek ih Japan in 10-0 in a neh tariai. Tuiṭum an leknak ah Myanmar bawlung sit thiam 10 an tello, “Ralkap kuthnuai ah kan lek duh lo” an tiih CDM ah an lut.

An team captain Zaw Min Htun khal CDM ah a lut ih Germany coach Anthony Hay in a hoha, an goal kil thiam hminthang Kyaw Zin Htet khal CDM ah a lut, a aiawh ah Ko Ko Naing in a kil.

Kyaw Zin Htet in “Ka ṭongkam parah ka dinghnget ih ka lek lo ding, kan team member pawl kan lungrual lo a si bik. Nan lek laiah leitlun mipi hmaiah duhphorhnak tuah tum uh, nan kutzung pathum tungsuak uh. Myanmar mipi hrangah nan tuah thei umsun a si” tin a naule pawl hnenah thu a cah.

An coach Germany Anthony Hay in “FIFA daan vekin zohman in duhphorhnak an tuah lo ding. Leknak ah ramkhel thuhla le sakhuanak kengtel kan siang lo. Ka um sungah zohman in anmai duhdan vekin an cangvai lo ding” a ti.

Kyaw Zin Htet in ‘Thuneitu pawlin bawlung sittu mino pawl an hringhro, an hmailam caan hrang an hringhro ruangah Myanmar ram aiawh in an va lek suak” a ti.

Be the first to comment

Leave a Reply

Your email address will not be published.


*