Japan Innsang Nu Pakhat In Nau A Pai, Naute Pa Cu Zo A Si Ti A Theih Hnuah Naute Cu Hngakṭah Runinn Ah A Ret

Japan, Tokyo khawpi ih um innsang nu kum 30 mi le a pasal in fate pakhat an nei zo. A pasal hi a harhdamnak a ṭha nawn lo ruangah nau an pai thei nawn lo, curuangah naupai an duh lai ruangah mipa cii zuar pakhat cu June 2019 ah an lei ih naupai dingin innsang nu le online sungih an sarmi mipa cu vei 10 an ittlang.

Ramdang ahcun mipa cii an lei tikah ittlang ṭul loin sibawi pawl thiamnak hmangin nau an paiter ṭheu. Japan ram ahcun cet bungrua an nei ṭha lo hleiah hivek lam hi siizung pawlin an buaipi tuk lo ruangah online fehtlangin mipa cii zuar pawl an lei ṭheu.

An nupa lungkimnak in mipa cii zuartu cu an lei ih innsang nu thawn vei 10 an ittlang hnuah nau a pai, asinan nau a pai hnuah mipa cii zuartu cu zo a si ti an theisuak ih bumawknak a si tin taza an cuai. Zangnadawmnak ah £2million an dil, a naupai lai cu thlakcii a si nawn lo ruangah a hringsuak hnuah hngakṭah runinn ah an ret.

Online sungih an sarmi pa in ‘Japan mi a si ih tlangval lai a si, cun fimthiamnak lam khalah Kyoto University ih buaih ngah a si thu pawl arak sim thei. Asinan nau a pai hnuah, Japan mi asilo ih China mi a si thu pawl an thei. Kyoto University khalah tlawng a kai lo, tlangval a si lo ih nupi nei lai pacang a si thu pawl an theisuak hnuah an thinheng tuk ih bumawknak tin taza an cuai.

Court in an thuhla cu a buaipi rero lai, online mipi ṭhenkhat in innsang nu cu naupai tlak a si lo an ti. Ṭhenkhat in mipa cii lei in naupai dingah itpi kherkher a ṭul maw si an ti nan Japan ram ahcun cet bungrua an nei ṭha lo ih hleiah sibawi pawlin an buaipi lo ruangah hitin an rak cangvai ṭheu ti khal leitlun mipi pawlin an theih phah.

Be the first to comment

Leave a Reply

Your email address will not be published.


*