Japan Prime Minister Hlun Hminthang An Kap That

Kum 67 mi Shinzo Abe cu Japan Prime Minister hlun a si ih a hminthang zet. 2006-2007 sung Liberal Democratic Party ah president a ṭuan, Japan Prime Minister ṭuan reibik khal a si. An rampi hrilawknak an nei zik.

July 8, 2022 zinglam ah hrilawknak hrangah campaign a tuah ih thu a sim rero laifang ah an kap that. Nara khawpi ih thu a sim rero lai zinglam nazi 11:30 ah meithal in veihnih an kap.

Siizung ah nazi 5 sung hrawng an tuamhlawm nan a nunnak cu an runsuak thei nawn lo. A hliamtuar hi a nasa tuk, a cuap a pop ih thisen khal an pe nan zanlam 5:03 pm ah a hnuk a catfel. Tualthattu kum 41 mi Tetsuya Yamagami khal an kai hngal, tlansuah a tum lo.

Prime Minister hlun kap thattu hi Japan tipithuamthum ralkap arak ṭuan zo, kum 3 sung ralkap a ṭuan. Thu an suhnak ah tualthattu in, “A hnaṭuannak ah ka lungkim lo, ka diriam lo” tin a phuang aw. Japan Prime Minister ṭuanlai Fumio Kishida in, “Ngaithiam ding thil a si lo” a ti.

Be the first to comment

Leave a Reply

Your email address will not be published.


*