Japan Putar In Myanmar Ramsung Ah A Fala Ara Hawl Ṭheu, Kum 50 Sung An Ṭhenaw Zo

Japan putar hi a zangfah um zet, kum 50 liamzo ah Myanmar ramsung ah arak um ih duhdawt zetmi fala anei. Ṭuan a ṭul ruangah an ram ah ava tlungsal ih “Nikhat khat ahcun ka ra lo hruaisal ding, in rak hngak ringring aw” a ti.

Cutin kum 5 hnuah a fala hruai dingin Myanmar ram ah ara nan a fala ih umnak a thei nawn lo, a hawl rero nan a hmu thei nawn lo. Kum 30 a kim ah veikhat ara hawlsal ih kum 35 ah veikhat ara hawl nan a hmu lo, tu’ah an ṭhenawknak hi kum 50 a kim zo nan a fala cu a hngilh thei cuang lo.

Ramsung a buai ih Covid-19 thlisia a hrang hnuah a fala cu ara hawlsal nan a tong cuang lo, an vang laiah pehtlaih awknak a ṭha lo ih mobile phone tivek aum lo. Japan ram ih um Kawlram mi tlawngta pakhat in putar ih thuhla cu a thei ih a fala hi a hawlpi ve nan an hmu thei lo, an umnak inn khal arak um nawn lo.

Japan putar in a fala ih hmin cu ‘Khin Aye’ a ti, a fala ih zuk khal anei nan a hmin le hlanlai zuk lawng cun an hawl hmu thei lo. A fala hi a damlai maw, pasal anei zo maw ti khal an thei lo. Asinan Japan putar hi a beidong tum lo ih a fala hi a hmuh hlanlo a hawl vivo tum.

Be the first to comment

Leave a Reply

Your email address will not be published.


*