Japan Tlangval In Hnaṭuan A Ning Tuk Ruangah A Hnaṭuannak Cu A Urkang

Hnaṭuan ning ahcun suak men sehla a ṭha bik. Japan, Sezaki khawpi ih thilri bungrua pawl an retnak building cu June 13, 2022 ah a kang ciamco.

Mithi cu an um lo nan hnaṭuantu nunau pakhat in hliamhma a tuar. Himi building ah hnaṭuantu 12 le mikhual tam zet an um laiah building cu a kang vutvo.

Meitat pawlin an va mit ih palik pawlin kangmei a suahdan an zingzoi hnuah an hnaṭuantu kum 32 mi Matsuzawa cu an kai. Building a urkang thu khal a phuangaw.

Matsuzawa in, “Hnaṭuan ka ning tuk ruangah ka urkang” a ti. Himi company ah Matsuzawa hi kumkhat lenglo hna a ṭuan zo. Thilri zemtu le security hna a ṭuan.