Japan Tlawnginn Ah Nunau Samtom An Siang Nawn Lo, A San Cu Mipa Thinlung A Buaiter

Japan pawl ih an khuaruahnak hi a danglam thei zet. A hlan ah nunau tlawngta nauhak pawl cu bawngbite rawng dangdang hruh an siang lo, bawngbite var lawng an hruhter thluh. Bawngbite rawng dangdang cu hnipuan lenglam ihsin a colour a lang thei’ an ti.

Tuiṭum ahcun nunau tlawngta nauhak pawl cu samtom (ponytails) an siang nawn lo, a san cu mipa pawl an tibuai. Mipa pawlin an hngawng var note an hmuh asilen bawngbite colour vek thotho in an cakhiarnak a suakter thei’ an ti.

Tlawng saya cawl zo pakhat in, “Himi daan le dun cu ka cohlang lo. Asinan tlawngta nauhak pawlin duhhril theinak zianghman an nei lo ih an thlun a ṭul fawn” a ti.

Tlawnginn ṭhenkhat ahcun tlawngta pawlin ‘midang taksa control tumnak a si’ tin duhlonak an langter tamtuk ruangah bawngbite colour cu an duhduh an hruhter. Asinan, tlawnginn ṭhenkhat ahcun an daan le dun hi an thlun hngetkho tuk ih an daan le dun thlunlotu tlawngta nauhak pawl cu hremnak phunphun an pe.

Be the first to comment

Leave a Reply

Your email address will not be published.


*