Japan Tleirawl In Thihdaan A Orh Duh Ruangah Nam In Mi A Dawt

Japan khawpi Tokyo ah nunau tleirawl kum 15 mi in thihdaan a orh duh ruangah lamzin ih feh mi pahnih cu nam in a dawt ciamco. Kumkim hrih lo a si ruangah a hmin an tarlang lo.

Tleirawl kum 15 mi cu Toda khua ah junior high school tlawng kai lai a si. August 20, 2022 sun ah lamzin ih feh nufa cu nam in a dawt. Kum 53 mi le a fanu kum 19 mi cu an thi lo nan hliamhma nasa zet an tuar.

Siizung ah an tuamhlawm rero lai ih thla 3 sung hrawng tuamhlawm an áš­ul ding. Palik pawlin tleirawl te cu a hmun ah an kai ih a taksa parah nam dang khal an hmu.

A sual tuahnak phen ah buainak zianghman anei lo, tlawnginn lam khalah buainak a nei lo ih thihdaan a orh duh ruangah mi a tuahmawh thu a phuang aw. Online mipi pawlin thinlung lam buainak a nei si ding an ti. Palik pawlin a sulhnu pawl an zingzoi rero lai.

Be the first to comment

Leave a Reply

Your email address will not be published.


*