Jenevy Sui: “Tulai Ruah A Sur Ṭheu Ruangah Mindat Raltlan Pawl Bawm An Ṭul Tuk”

Myanmar hlasakthiam hminthang Jenevy Sui in Mindat raltlan pawl arak bawm rero zo. Mindat raltlan pawl hrang bawmnak a hawlsak ṭheu ih ei le in, siivai le thil dangdang an kuat ih Mindat raltlan pawl khalin kimten an ngah thu an tarlang.

Mindat raltlan pawl lawng siloin Kanplat raltlan hrang ting 10 le Kayah Demawso refugee ah ting 17 a hlu zo. Tulai ruahti a tam tuk ruangah Myanmar raltlan pawl cu an harsa zet ti theih a si, an harhdamnak khal a seherh um ih khuadai le mikeu lakah caan an hmang.

Jenevy Sui in “Mindat raltlan pawl hrang minung pathum ihnak ding thlamte (Tent) 500 in ka hlu duh, furcaan a thleng zik ih tulai ruah a sur ṭheu ruangah an sinpi lo zet ti ka thei. Khatlam ah kan rak sinpi ve lo,

Tent pakhat man cu 30000 a si, nan ti theitawk cio in nan bawm thei. Bawmnak ih tel duhtu cun chatbox ihsin in pehtlaih uh. Bawmnak ka lo dil leuhleuh ruangah ka lo hmaisong zet, kan theinak zawng ah tanrual in bawm cio hram kung” tin a tarlang. A facebook pehtlaih duh hrang hmet-aw.

Be the first to comment

Leave a Reply

Your email address will not be published.


*