‘Jesuh In In Duhdawt’ Timi Mask A Bun Ruangah An Tlawng Sayagyi In A Kawk

US ram khal zumnak lamah an tlaniam deuhdeuh. Nauhak Lydia Booth in ‘Jesuh in in duhdawt’ timi mask a bun ruangah an sayagyi in arak kawk ih neta ih a bun lai asilen hremnak an pe tum.

Lydia Booth in “Ka mask ruangah ka hnangam, Jesuh in in kil ringring in ka theiaw. Mipi pawl khalin ka mask cu ṭha an tiih Jesuh cu a cakmi Pathian, Rundamtu a si ti thei ve hai sehla ka duh” a ti.

An tlawnginn ih a thilton cu a nu Jennifer Booth hnenah a sim thei, a nu in an tlawnginn lamah a phone ih an tlawnginn in “Tlawnginn sungah sakhuanak le ramkhel thuhla keng lut an siang lo thu an rak sim, tlawnginn daan le dun thawn khal a kalhaw’ an rak ti.

Jennifer Booth in an tlawnginn daan le dun pawl a siarsal thluh ih cuvek thuhla an nganmi a hmu lo, midang khal a sut ih cuvek daan le dun an neih lo thu an rak sim.

Curuangah a fanu tei tlawnginn cu Alliance Defending Freedom hnenah taza an cuai, an thuhla cu ADF pawlin an buaipi rero lai.

Jennifer Booth in “Tlawnginn ah “Black Lives Matter” thuhla khal an kenglut rero zo ih ziangtin hman an ti lo, ka fanu hrang lawngah ka do lo. Neta zumtu mino pawl, zalen zetih an um theinak dingah ka do” a ti. Lydia Booth ih thuhla cu nauhak pawlin an thei vivo ih a mask vek an bun duh thu an sim, Lydia Booth hnenah an dinpinak ca khal an kuat celcel.

Be the first to comment

Leave a Reply

Your email address will not be published.


*