Joe Biden Covid-19 Nathrik A Nei

US president kum 79 mi Joe Biden in Covid-19 nathrik a neih thu July 21, 2021 ah White House in a phuang.

White House thuphuangtu in, “Covid-19 khamnak siivai a dawt kim thluh zo. Tu’ah nathrik a kai ruangah White House sungah a hranten aum ding. Online fehtlang ihsin president hna cu a ṭuan peh vivo ding” a ti.

July 21 sun ah Pennsylvania khua ah feh in meithal ṭhatlonak thuhla rel a si, Philadelphia khalah meeting kai ding a si nan Covid-19 nathrik a kai ruangah a feh theisal lo. A damcak hlanlo cu a office sungah a hranten um in hna a ṭuan ding.

A taksa ah damlonak pianphuang hnaptii, khuhkhuh, taksa naa anei. Siibawi thiamsang pawlin a dam lohli theinak dingah an tuamhlawm rero lai. Joe Biden thawn pehtlaih awtu pawl khal an check-up aw rero lai. July 20 sun ah Massachusetts khua ah meeting kai in arak um.

July 19 ah Ukraine president ih nupi Olena thawn White House ah an tong aw, zanlam ah an check-up ih damlonak anei hrih lo. Presidetn Biden in Covid-19 khamnak siivai pahnih Pfizer le BioNTech a dawt aw zo, cumi hnuah thazang cahnak siivai khal veihnih a dawt aw.

Be the first to comment

Leave a Reply

Your email address will not be published.


*