Joe Biden In, “2024 Hrilawknak Ah Donald In President In Cuh Asilen Ka Vanṭha Nasa Ding” A Ti

US president Joe Biden (kum 79) cu Ukraine ram kiangkap ah a tlawng rero lai ih Ukraine raltlan pawl a tong. March 24 ah Belgium ram ah tonkhawm awknak an nei ih media pawlin thu an sut.

2024 hrilawknak thuhla an sut ih Joe Biden in, “2024 kum hrilawknak ah a hlan ih in rak zuamtupa in in zuamsal asilen ka vanṭha nasa ding” a ti. Ukraine ramsung buainak ih a cangvaihdan thuhla an sut ih “A ṭhabik tin ka ruahmi ka tuah” a ti.

Ukraine ramsung buainak ih a umdan ah mipi ruahnak phunhnih in a suak, ṭhenkhat in Russia ralkap pawl hi kap dingin an duh nan ṭhenkhat in kahawk an duh lo, buainak a sosang vivo dingih leitlun an siatsuah ding ti an phang.

Be the first to comment

Leave a Reply

Your email address will not be published.


*