Joe Biden Thirleng A Mawng Ih Thirleng Par Ihsin A Tla

Kum 79 mi US president Joe Biden cu thirleng a mawng ih a tlu tupti. Kan dung zarhte June 18 simlam ah a hnaṭuanpi pawl thawn pangpar hmuan sungah thirleng an mawng ih lam an lengkual vivo.

Lamzin kap ah mipi in an rak zuk cece, lamzin kap ih um mipi pawl bia dingin a cawl ih a ding zik zawn ah a control aw thei nawn lo ruangah a let tupti. A kuthnuai pawlin an va kaitho lohli ih Joe Biden in, “Ka ṭha, ziangtin hman ka um lo” a ti.

Mipi in an seherh tuk ruangah White House in, “A khawngaw ngah lo ih siivai thawn tuamhlawm awk a ṭullo” tin an phuang. Joe Biden hi a upa thlang vekin a harhdamnak khal a ruat thupi zet ih hnaṭuan a cawlh caan ah thirleng mawng le taksa cangvaihnak phunphun a tuah ṭheu.

Be the first to comment

Leave a Reply

Your email address will not be published.


*