June 3 An Doawknak Ih A Thuhla An Theih Nawn Lo Mi CDF Pasalṭha Ih Ruang An Sar

June 3 sunah Mindat mipi kilhimtu CDF le thuneihnak latu ralkap pawl an kapaw ciamco, Chin-Magway ramri ih Shwe Aung Thar ah an kapaw ih mithi le hliamtuar khal an um.

An kapawk hnuah CDF mino pakhat cu a thuhla theih a si nawn lo, an hawl vivo hnu June 18 ah a ruang an sar thu Chin World thuthang ah an tarlang. Ram hrangih nunnak hlantu CDF pasalṭha ih hmin cu an tarlang hrih lo.

Mindat raltlan, ramlak ih um naute thla 7 mi le putar pakhat khal damlonak ruangah an nunnak a cem.

Mindat raltlan pawlin harsatnak nasa zet an tong rero lai, nikhua a sia ih ruahti a tamtuk ruangah raltlan lakah damlonak phunphun a thleng ih bawmtu an ṭul tuk.

Be the first to comment

Leave a Reply

Your email address will not be published.


*