June 5, Cikha Khua Ah Covid-19 In Pakhat Thi, Tonzang Ramsung Ah 7 An Thi Zo Ih Nat Nei 258 An Um

Chinram, Tongzang peng, Cikha khua ah Covid-19 nat nei an tam zet. Tuisun June 5, 2021 ah Covid-19 in mipa kum 37 mi a thi, siizung ih an tuamhlawm rero lai mi a si.

Cikha khua telin Tonzawng ramsung ah Covid-19 in minung 7 an thi zo ih June 4 tiangah nat nei 258 hmuhsuah an si.

Tonzang ramsung ah Covid-19 nat nei an tamtuk ruangah May 29 ihsin inn ah kharhkhum aw thluh dingin stay-at-home an rak phuang zo. Cun, Falam, Hakha, Tedim le Thantlang khal June 4 ihsin stay-at-home phuang a si.

Myanmar ramsung ah Covid-19 thlisia a hrangsal, March 2020 ihsin June 4, 2021 tiangah Myanmar ramsung ah Covid-19 nat nei 144,147 zat hmuahsuah a si ih mithi 4221 zat an si.

Be the first to comment

Leave a Reply

Your email address will not be published.


*