Justin Bieber A Dam Ṭha Zo, Leitlun Ram Dangdang Ah Tlawng In Concert A Nei Ding

Kum 28 mi Justin Bieber cu June 2022 ah damlonak danglam zet anei. Ramsay Hunt Syndrome timi damlonak a nei ih a hmai khatlam a zeng, a hmai khatlam hi a cangvai thei lo ih a hni thei lo. Rawlei khal harsa a ti zet.

‘Justice World Tour’ a neih laitak a si nan a damlonak ruangah a cawl lawk ih mipi hnenah ngaithiam a dil. Tu’ah a dam ṭhasal zo ih ‘Justice World Tour’ cu a nei peh vivo ding. A damlo lai ih a cawlhsan mi US ramsung ih concert cu ziangtik ah a tuahsal ding ti a phuang hrih lo.

July 31, 2022 ah Italy ram ah Lucca Summer Festival puaipi ah concert nei dingin a tlawng thok ding, August thla ah Europe ah ni 5 sung caan a hmang ding. October 18, 2022 ah India khawpi New Delhi ah a tlawng ding.

Cumi hnuah Asia, South America, South Africa, The Middle East, Australia le New Zealand ah a tlawng dingih 2023 ah Europe ramsung ah a lutsal ding. March 2023 tiang connert nei ding a si ih ram 30 lenglo ah a tlawng ding.

Justice World Tour cu March 2020 ihsin nei dingin an tawlrel nan Covid-19 ruangah veihnih an thulh zo. 2016 le 2017 kum ah leitlun ram dangdang ah tlawngkual in concert arak nei zo. Tuiṭum Justice World Tour ah ticket 1.3 million lenglo an khong zo. A rualpa Usher in, “A dam ṭha zet zo” a ti.

Be the first to comment

Leave a Reply

Your email address will not be published.


*