Justin Bieber A Dam Lo Besia, “Thlisia Hrang Lak Khalah Ka Hnenah Jesuh Aum” A Ti

Leitlun hlasakthiam hminthang kum 28 mi Justin Bieber in damlonak danglam zet ‘Ramsay Hunt syndrome’ timi a nei. A hmai khatlam hi a zeng, a cang thei lo ih a mit khatlam khal a ṭhep thei lo. Rawlei khal harsa a ti zet thu June 10, 2022 sun ah a mipi pawl a theihter.

Tulai tak hi leitlun hmun dangdang ah tlawng in concert nei vivo ding a si nan a damlonak ruangah ‘Justice World Tour’ cu a ṭulhsal. June 13 ah Justin Bieber in, “Ka hringnun ah thlisia a hrang nan a rehsal ding ti ka thei. Thlisa hrang lak khalah ka hnenah Jesuh aum. Harsatnak kan ton caan ah kanmahten kan um lo ti in theihter ṭheu. Pathian in ka thiltuahmi ziangkim a thei thluh.

Zohman ka theihter duhlo mi ka hringnun ih thimkhawzing khal Pathian in arak thei thluh ih in cohlang thotho. Thlisia hrang lakah hnangamnak in neihter, ka hnenah Jesuh aum ih thlisia cu kumkhua in a hrang lo ding ti ka thei. Thlacamnak in in rak bawm cio hram uh” a ti.

2018 kum ah model kum 25 mi Hailey thawn an neiaw, Hailey hi Christian innsang ihsin thanglian a si. Justin Bieber ih nupi Hailey cu mipi in an uar theilo nan a Christian nun cu a ṭha zet. Justin Bieber ih nun tuahṭhatu an ti. Hailey in a pasal damlonak thuhla ah, “Nikhat hnu nikhat a dam ṭha vivo. In duhsaktu nan zaten parah kan lungawi tuk” a ti.

Be the first to comment

Leave a Reply

Your email address will not be published.


*