Justin Bieber Ih Nupi A Damlo Besia Hnuah Bieber In, “Pathian In Damnak A Pe” A Ti

Leitlun hlasakthiam hminthang kum 28 mi Justin Bieber le a nupi model kum 25 mi Hailey Bieber cu 2018 kum ah an neiaw. Justin Bieber hi a nauhak lai ihsin milar a si vekin sualnak phunphun arak tuah, a nupi Hailey Bieber cu mipi in an uar theilo zet nan a Christian nun cu a ṭha zet. Justin Bieber ih nun tuahṭhahtu an ti.

Kan dungah Justin Bieber cu Covid-19 in a damlo hnuah a nupi khal besia zetin a damlo, anmah ngainatu pawl cu an thinhar zet. Hailey Bieber ih damlonak khal Covid-19 thotho ah an ruat nan arak si lo, a thluak ah thisen aum.

Hailey ih pa Stephen Baldwin cu American actor a si ih Christian miṭha zet a si. Stephen in, “Ka fanu a damlo ti ka theih veten thla ka cam, nitinten Pathian hmaiah khukbil in thla ka cam ringring” a ti.

Hailey Bieber cu siizung ah an admit ih an tuamhlawm rero hnuah a damṭha zo, a pasal Justin Bieber in, “Ka thaphang tuk, ka nupi thuhla nan rak thei ding ti ka zum. Tu’ahcun a damṭha thluh zo, ka nupi cu Pathian kutcak sungah aum ti ka thei. Pathian in damnak a pe” tin Pathian a thangṭhah ih lungawithu a sim.

Be the first to comment

Leave a Reply

Your email address will not be published.


*