“Ka Fapa Tei Inn Ah Ka Va Um Asilen Ka Dam Ding” Tin Ruahsannak Thawn Ava Feh Ih An Rak Cohlang Lo, A Thi !!!

Mogok khawpi ah milian zet kum 80 mi putar aum ih Covid-19 in a damlo. Mandalay khalah inn ropi zet, inndot 3 anei ih a fapa tei innsang an um.

A dam ṭha thei lo ruangah Mandalay ih tuamhlawm awk a duh thu a rel, a fapa tei inn ah an rak tuamhlawm asilen a dam ṭhasal dingah a ruataw.

Cutin, an motor thawn Mandalay ah an va feh nan a fapa in arak cohlang lo, “Ka nupi le ka fate pawlin nathrik an kai ve pang ding” a ti. Mandalay siizung ah umnak ding an hawlsak ih an hmu lo, zanlam ah riahbuk te takte an hmu ih cutawk ah oxygen bun in an itter.

A damlo bese laiah thinharnak in a tlakbet ruangah a zual deuhdeuh ih a zan nazi 10:00 ah a thi, a ruak khal a innsang pawlin an tuamhlawm thei lo ih Covid-19 daan le dun vekin an vuiliam.

A duhthusam vekin amai inn ah a fapa in rak cohlang sehla a dam ṭhasal men ding nan, a dam ṭhasal lo asikhallen hnangamten hringnun a suahsan thei ding.

###Covid-19 damlo hi ṭih ciamco ding an si lo ih tuamhlawm ṭul cu tuamhlawm mai ding a si. Zumtu pawl ih kan ṭuanvo pakhat cu damlo le miharsa pawl bawm hi a si, Covid-19 nathrik ruangah damlo bawm ṭul zetzet pawl kan bawm/tuamhlawm ngam lo ih an thi asilen Cung Pathian ih in sersiamdan a si zik lo.

Be the first to comment

Leave a Reply

Your email address will not be published.


*