“Ka Lalnak Ramsung Ah PDF Pawl An Cangvai Ngam LO” Titu Veng Lal An Kap That

Mandalay, Patheingyi Township, Yehtut veng lal U Kyi Aung hi a puarthau zet ih “Ka lalnak ramsung ah meithal an ra kap ngam lo” a ti hnuah October 28, 2021 zinglam nazi 9:00 hrawngah an veng sungah an kap that.

Amah hi ralkap ṭuan zo a si, ralkap lamtang veng lal ṭuan lai a si ih dalan hminthang zet khal a si. Pyu Saw Hti hruaitu a si ruangah meithal an pe, an veng sungah lawngkasa a lekter ih sumpai a khong ṭheu. An veng sungih um CDM tuahtu le lamzawhnak ih tel mino pawl cu arak hringhro ih “Kan lo kai thluh ding” a ti.

An inn le ralkap sakhan hi a naiaw te, cutin a tlanlen laiah an vengsung ah an kap that. Tualsung mi pakhat in “Veng sungah a sual zet, CDM tuahtu pawl khal a kaihter hnuah sumpai a dil. Mino pawl khal a kai ih sumpai a dil mi hi an tam tuk zo.

Zo ti theih lo mi pakhat in a bek ah veikhat lawng a kap ih Nandwin sizung ah an phur ding ti ka zum. A thi ti cu thudik rori a si” tin media hnenah a sim thei. U Kyi Aung an kah hnu nazi 1 hrawngah an vengsung ah ralkap pawlin zingzoinak an nei.

Be the first to comment

Leave a Reply

Your email address will not be published.


*