“Ka Nu Aum Nawn Lo Ruangah Ka Pa In Rawl In Barh, Ka Nu Teh? Tin Ka Sut Ih…”

August 10, 2021 ah Yangon, Botahtaung Township ih mino 5 cu ralkap pawl ih kaih aicun tin inndot sang zet par ihsin an dawp ih an thi thluh.

Mithi lakah innsang nu Ma Wai Wai Myint khal a telve, kum 29 mi Ma Wai Wai Myint in fanu kum 5 mi le a pasal ha sibawi Dr. Soe Myat Thu cu a fehsan. Ralkap pawlin an ruak khal lak an siang lo ih an urkang, a fanu hnenah a thih thu an sim ngam hrih lo.

A pasal cu haa sibawi a si vekin inn lamah aum tam lo ih Ma Wai Wai Myint in an fanu cu rawl arak pe ṭheu, asinan a thih hnu ihsin cun hringtu a pa in rawl a pe thlang ruangah an fanu cu a mangbang zet.

“Ahlan ahcun ka nu in rawl in rak barh ṭheu, ka nu aum nawn lo ruangah papa in rawl in barh. Ka pa, ka nu teh? tin ka sut ih ka pai mithmai cu a sia ih in pom hnuah a ṭap ciamco. Ka pa, in sim lo asikhallen ka thei thotho.

Ka nu cu khitawk inndot sangpi ihsin a dawp that. Ka nu ka hmuhnak tla a rei hrih lo, Min Aung Hlaing misual pa an ti ṭheumi ruangah ka nu a thi ti khal ka thei.

Ka pa, neta ahcun na ṭahnak ding thuhla ka lo sut nawn lo ding maw. Ka nu, na thlennak hmunah thindaiten um hram aw tin thlaza ka cam, na duhdawtmi na fahniang. (#Ma Wai Wai Myint fanu aiawh ih nganmi sunnak)

Be the first to comment

Leave a Reply

Your email address will not be published.


*