“Ka Pa, Ka Cau Tuk, Minute 1 Te Ka Itthat Lawk Ding” A Tiih A Thang Nawn Lo, A Thi Lanta

“Ziang thei lo kan nauhak lai caan kha arak nuam bik” tin hla an phuah celcel. Asinan, tulai nauhak hrangah cun nuamawknak a mal tuk zo, Covid-19 ruangah an vaksuak thei lo ih duh vekin an lek thei fawn lo.

Myanmar ramsung ahcun ralkap le Covid-19 ruangah nauhak pawlin zalennak an ngah nawn lo. Tulai cu mai inn sungih khumawk ringring caan a si ih nauhak pawl khal online fehtlang ihsin tlawng an kai, an cawlh caan ah homework an tuah lala ih lenglam boruak thiang an ngah nawn lo ruangah an thinlung le taksa a cau thluh.

China ram ih thilthleng in nulepa pawl ih mit a vangter thutthi, Mr. Huang in a fapa kum 9 mi cu zantlaipi tiang homework a tuahpi ṭheu. Math assignments an tuah ih zan nazi 11:30PM a kim tikah a fapa cu a cau tuk thlang ih “Ka pa, ka ithmu tuk. Minute 1 te ka itthat thei kem maw?” a ti.

A pa in a aw ihsin a cau tuk zo ti a thei nan “Valte, nazi hrek lawng hngak lawk aw. Himi kan theh veten kan it thluh ding aw” tin a homework cu a tuahter thotho. Mr. Huang cu coka sungah ava lut ih cawhnawi a tuahsak, a fapa ava pe tum cu cabuai parah arak itthat man.

A pa in an ihkhun sungah a thiarlut ih a itter, asinan zinglam an tho tikah cun a fapa cu a tho thei nawn lo, a itthat lanta. An ko rero nan a sawn thei nawn lo, siizung ah an va tlanpi hngal ih sibawi in a thi zo ti an rak sim.

Siibawi in “Itthat a khop lo tuk ruangah a thluak le a thahri pawl a cau tuk ih hna an ṭuan thei nawn lo” tin a thihnak san arak simfiang. An fapa neihsun a si ih an nupa in an ṭap rero, a pa khal a siraw tuk nan a liamzo caan cu a ko kirsal thei nawn lo ih ningna in a ṭap rero.

Be the first to comment

Leave a Reply

Your email address will not be published.


*