“Ka Pasal In Fala A Nei Ih Ṭhenawk Khal Poi A Ti Lo, Ziangtin Ka Tuah Ding?”

Thinharnak, beidonnak kan neih tikah kanmahten kan tuar men asilen a zual deuhdeuh thei. Midang hnenah kan sim, kan ron asilen a tuartu, a theitu an tam tikah tuardan khal a ziaum ṭheu.

Innsang nu pakhat in a thinharnak thuhla cu online parah a tarlang ih ziang tuah ding ti thei loin a thinlung a buai zet, a thilton cu zankhat thilthu ih relcat theimi asilo ruangah “ziangtin ka tuah ding?” tin mipi pawl a ron. Nangmah rak si ve awla, ziangtin na tuah ding?

A ngandan “Hello, Thil kan zuar ṭheu ruangah kan veng sungah cun in theitu an tam zet. Ka pasal dut zet lai’in fala in neihsan ih ṭhenawk khal a poi lo thu in sim thei. Ka thinlung a buai tuk, keimahten cun thuthluknak ka tuah thei lo.

Ziang ka tuah ding ti in sim hram uh, ka pasal thawn fate 2 kan nei zo. Ka pasal hi miṭha, mifel le mi zaidam zet a si ti cu ka theifiang ko. Sumdawngnak kan tuahtlang ih kan hlawhtling vivo, kan fanu nauta sawntu ka pai lai ihsin ka pasal cu khualtlawng in sum a dawng ṭheu, kei cu inn lamah thil ka rak zuar.

Cutin a khualtlawnnak ah fala anei ti ka thei cu ka riahsia tuk. Thilumdan kan reltlang ih a fala cu a ṭhen thei lo thu in sim, kei khal in ṭhen thei cuang lo a ti. Asilen ṭhenawk na duh asilen a poi cuang lo a ti, ṭhenawk thuhla cu na kutsung ah aum in ti. Ka fale pawl um lo sehla cun ka thataw zo ding, ka hrangah van a cim. Ka lungthin a kekkuai tuk. Ziangtin ka tuah ding in sim hram uh” tin a tarlang.

Be the first to comment

Leave a Reply

Your email address will not be published.


*