“Ka Thi Asilen Ka Pa Thawn Kan Tongaw Ding”, A Nu In A Fanu Sinak Ihsin A Hlo

Yangon ih um fala pakhat cu ralhrang in ramsung thuneihnak an lak ruangah dothlennak ah a lut. Ramsung a buai pekte ah lamzawh duhphorhnak ah arak tel ringring, mipi hnenah bawmnak phunphun a pe ṭheu.

Ralhrang pawlin daiten lamzawhtu pawl cu lainatnak nei loin an kap that ciamco ruangah PDF ah a lut ih meithal kengin ralhrang pawl do dingin a timtuahaw.

Maryam in, “Ka thi asilen ka pa thawn kan tongaw ding, ka thi lo asilen ka nu thawn kan tongaw ding” tin a tarlang. Maryam hi mifim cathiam a si ih a hmuihmel a mawi ruang khalah mipi thinlung a neh zet.

Hringtu a pa in arak thihsan zo ih dothlennak ah a thi asikhallen a pa thawn an tongaw ding thu a tarlang. Hitin dothlennak ih a lut ruangah hringtu a nu in a fanu sinak ihsin a hlon thu le a thuhla ah ṭuanvo zianghman a la nawn lo ding thu pawl a tarlang.

Be the first to comment

Leave a Reply

Your email address will not be published.


*