“Ka Thih Ding Zan” Tin A Tarlang Hnuah A Thlai’aw That

Mizoram, khua pakhat ah mipa kum 23 mi in a whatsapp status ah “Ka thih ding zan, ka lo ngai tuk ding” tin a tarlang hnuah a tlung ih an bathroom ah lutin a thlai’aw that.

A nulepa in an thihsan zo ih a pi le a naule pawl thawn an khuasa. Hitin ca a tar hnuah college a kaipi a rualpa pakhat in a bia ih a harsatnak pawl a sut. Zohman in a harsatnak pawl an ngaihsak lo, ngaisaktu ding an um lo thu le leitlun ih um duhnak a neih nawn lo thu pawl’ arak sim thei.

Zan nazi 1:00PM hrawngah cakuat cu a letsawng nawn lo. “Tulai thangthar nonawl lakah mah le mah that’aw poi tilotu an um hnuaihni. Ṭhenkhat cu an thangliannak innsang in a zir lo ruangah nun beidong in an um, ṭhenkhat cu an harsatnak pawl theihthiam saktu an um lo ruangah nun beidong in an um.

Harsatnak ah te tuk, tum tuk ti aum lo. Mi in an hmai bawl ruangah beidonnak an neih asilen hnihsan men loin ngaihsak sawn kung. Nun beidong le harsatnak tong ih bawm ṭul tuk kan um asilen thuthluknak tuah lohli loin himi phone number 7085844464 (Zo Inspiration) ah in bia hram uh” tin an tarlang. (Laknak: Zo Inspiration)

Be the first to comment

Leave a Reply

Your email address will not be published.


*