Kachin Lemcan Thiam Hminthang A Thi, Natnak A Nei Lo

Kachin lemcan thiam hminthang Zaw Mai Aung (Mine My) cu damlonak khal nei loin April 24, 2022 zingpit nazi 4:00 hrawngah a thi. A itthat lai a thi lanta.

Vengsung mi pakhat in, “A itthat laiah a thi lanta, an hmuh tik khalah a taksa hi a thlum lai, a taksa khal a khawng hrih lo. Kan mithmuh ah a thanglian ih kan mithmu ah a thi cu a poi tuk, a innsang pawl thawn kan riah a sia tuk” a ti.

Zaw Mai Aung hi kum 17 mi a si ihsin zuknung khawvel ah a lut ih model hminthang zet a si. Music video sung khalah a lang ṭheu, a thih tikah kum 36 mi a si.

Amah ngaina zettu in, “Zumlopin mual in liamsan ruangah ka riahsia tuk. MTV vanglai ahcun tlangval hmelṭha zet, duhnung zet a si. Ka ui tuk” a ti. Kachin lemcan thiam le Kachin mipi pawl khalin Facebook cahmai parah an riahsiatnak thu an tarlang cece.

Be the first to comment

Leave a Reply

Your email address will not be published.


*