Kachin Putar Hi Tulai Leitlun Ih Upabik A Si Thei

Kachin putar U Sam Bondi hi tulai leitlun ih upabik a si thei. June 13, 1897 kum ah a piang ih June 13, 2021 ahkhan kum 124 a kim.

Kachin ram, Khaunglamphu Township, Phamton khua ih um a si ih leitlun san thuanthu cu a thei thluh lai. Amah hi san thuanthu ngankhumnak cabu pakhat vek a si ih mipi in thu an va sut ṭheu. Zu, kuak, kuva tipawl a tham dah lo.

Tulai leitlun ih nungdam lai ahcun kum upabik si an zum ih Guinness World Record ih hmin pekdan ding an tawlrel rero lai. Guinness World Record ngahtu, leitlun ih dam reipi bik nunau cu France mi Jeanne Calment a si ih kum 122 le ni 164 a si.

Mipa ahcun Japan mi Jiroemon Kimura a si ih kum 116 le ni 54 sung a nungdam ih tu’ahcun a thi zo. Cumi hnuah Israel mi Yisrael Krista in Guinness World Record a ngahsal, kum 113 le ni 330 sung a nungdam ih August 11, 2017 ah a thi.

Be the first to comment

Leave a Reply

Your email address will not be published.


*