Kachin State, Bhamo khua ah unau hmuhthiam awklonak a thleng ih mizan June 7 zan nazi 10:30 hrawngah thatawknak a thleng. Pauk Kone vengsung ih um an si ih an buainak cu an tarlang lo.
Bhamo khua ih mibawmtu pawlkom in ‘Mithi cu a bek, dunglam zang le a hngawng ah nam ih sat/dawtnak hliamhma aum” a ti. Mithi cu kum 28 mi a si.
Mibawmtu pawlkom in, “An inn ah arsa an zuar, arsa satnak nam in a u cu a sat that. Unau rori an si, a naupa khal a tlan lo. Innsung ah arak um men ih an va kai” a ti.
May 24 zan khalah Bhamo khua, Denko datsii zuarnak dawr kiangah lawngkasa an lek ih an buai, nam in an sat’aw ih mi 3 in hliamhma nazet an tuar.
Leave a Reply