Kachin Ram Ih Kaiso Ralkap Motor Cu KIA Pawlin An Rak Kap

Kachin ram, Tanai Township, Tin Kauk le Kaung Ya khua karlakah ralkap motor 40 hrawng cu thilri bungrua pawl phur in tlang parah an kaiso.

Cumi cu KIA pawlin an rak bawh ih an kap ciamco, kaphnih kahawknak a suak ih bomb le pukpi pawl an hmang. September 28 zinglam nazi 10 hrawg ihsin an kapaw thok ih nazi 1 hnuah an cawl.

Tualsung mi pakhat in “Namti lam ihsin ra ralkap motor 40 hrawng cu KIA pawlin an rak kap ciamco, ralkap pawl cu Manpan lamah an pial. Kaphnih in bomb le pukpi an hmang veve, bomb puak awn kan thei tam sawn.

An doawknak hi khua thawn a hlatawk ruangah khua suahsan cu kan um hrih lo, asinan kan thinphang zet. Sun ah maw, zan ah maw, ziangtik lai caan khalah kapaw thei ringring an si” a ti.

An doawknak kiangkap ih um Kaungra le Namphat khua mipi pawl cu nasa zetin an doaw sal pang ding ti an phang ruangah an thlaŠĻ≠em zet. An doawknak ah mithi le hliamtuar an um le um lo cu media pawlin an zingzoi rero lai.

Be the first to comment

Leave a Reply

Your email address will not be published.


*