Kachin Ram Innkang Ah Nufa An Thi

Kachin State, Myitkyina khua, Duka vengsung ah inn pakhat a kang ih innsung ih um nufa cu meisa in a kang that. Kangmei a suah lai ahhin an inn ah an nufa lawng an um, an harhdamnak a ṭha lo ruangah an vaksuak thei lo.

December 19, 2021 sundir hrawngah an meisa hri fehsual ruangah kangmei a suak tin kiangkap um pawlin an rel. Meitat pawlin kangmei cu an buapi rero hnuah an mit thei ih mithi ruang pahnih hmuh a si ih siizung an phur hnuah an vuiliam.

Vengsung mi in, “Electric hridai ihsin kangmei a suak an ti. A fanu hi a thinlung a diklo, thinlung ciangkuang lo a si. A nu khal kum 80 luan zo a si ih a harhdamnak a ṭha lo ruangah amahten a feh thei nawn lo” a ti.

Mual liamtu pahnih cu Daw Mai Thu Bu (Kum 80+) le a fanu kum 50 mi Daw La Mai Bauk Mai an si.

Be the first to comment

Leave a Reply

Your email address will not be published.


*