Kachin Ramkhelnak Ih Hmainortu Pahnih An Neiaw

Myanmar ramsung a buai hnuah Kachin mino pawl cangvaihnak ih hmaihruaitu pahnih Ma Sai Nu Pan le Ko Lwan Zaw cu November 11, 2021 sun ah Pathian hmai le mipi hmaiah thutiam kamawknak nei in kut an sih.

Ma Sai Nu Pan le Ko Lwan Zaw hi Kachin, Myitkyina khawpi ih um an si ih ramkhelnak ah hmainortu pahnih khal an si. Mino pawl hnenah thazang an pe ih an cokphur ṭheu. Kan dung May thla sungah Ma Sai Nu Pan ih pu a thi ih May 21, 2021 sun nazi 12:00 ah King Jorbum Christian Cemetery thlanmual ah an va vuiliam.

Cutin motor thawn an tlung lamah Myitkyina ihsin peng 8 hlatnak khuate bualrawn kiangah ralkap pawlin an rak bawh ih an kap ciamco. Ralkap motor in an motor cu an pah bet ih an kai, an kiangih um mino 2 khal an kai cih.

Mithmutu pakhat in “An motor dunglam le hmailam ah an kap ngah, minung 4 an kai ih an kaih laiah kut an thlak” a ti. A thlatel thawng an tlak hnu October 19 simlam ah suah zalen an si ih November 11 sun ah Christian daanthianghlim in kutsihnak an nei.

Be the first to comment

Leave a Reply

Your email address will not be published.


*