Kachin Rev. Tu Mai Cu Thlacam Thuhla Ruangah Ralkap In Kai Dingin Thubuai An Orhter

Kachin Baptist Church (KBC) pawlkom ih General Secretary ṭuanlai Rev. Tu Mai cu thlacam thupi a nganmi ruangah ralkap in kai dingin pukmah 505 in thubuai an orhter thu theih a si.

Rev. Tu Mai cu 2018 kum ihsin Kachin Baptist Church (KBC) pawlkom ah General Secretary a ṭuan thok. August 26 sun ah ralkap pawlin a zung sungah an va lutchilh ih zingzoinak an nei, ralkap pawlin August 7 sun ih a ca suahmi ruangah an ti.

Kachin Baptist Church (KBC) in August 7 sun ah thlacam thupi 8 an rak tarlang, an tarlang mi thlacam thupi ṭhenkhat cu “Covid-19 nathrik a reh lohli theinak ding hrang, raltlan pawl hrang, ram hruaitu pawl hrang le Federal Democracy diktak a cangsuak theinak ding hrang pawl a si.

Tualsung mi pakhat in “Pukmah 505 in thubuai an orhter ti kan thei nan ka theifiang hrih lo. Tuitiang Official ca ara thleng hrih lo” a ti.

Be the first to comment

Leave a Reply

Your email address will not be published.


*