Kaih A Ṭih Ruangah Thi Zo Vekin Lem A Cang, Kum 6 Hnuah An Kai Ngah

US, Oklahoma City khua ih um Christopher Tomberlin cu May 27, 2021 sunah palik pawlin an kai, kum 6 sung cu a thi zo ah an ruat ih mithi vekin lem a cang men ti an theisuak.

2015 kum ah a fala hlun that arak tum, a keu ih hreitlung thawn a cek nan vanṭha ah a cek ngah lo. A fala hlun cu that tum in a vel ciamco ruangah vengsung palik pawlin an kai, thawnginn ihsin reilote sung an suahter lawk ih a hlo lanta.

Social media sungah thi zo vekin tarlang a si ih a thuhla an thei nawn lo ruangah palik pawl khalin thi zo ngai ah an ruat. Asinan, khua dangdang ah hminlem le ID lem hmangin arak tlankual rero. Kum 6 sung cu a hmuhhmuh hnaṭuan phah in a khuasa.

A hmuihmel khal a cei danglam aw. Palik in thi zo ah an ruat nan a thihdan pawl theifiang tum in an zingzoi vivo ih May 27 sunah nungdam in an kai ngah.

Be the first to comment

Leave a Reply

Your email address will not be published.


*