Kalay Ah Mindat Raltlan Pawl Bawmnak Sumpai Suahtu An Kai

Chinram, Mindat ah ralkap le mipi kilkimtu pawl an doawk ruangah khuasung mipi pawl cu ramlakah an tlan, ralkap pawl an cangvaih a luarkai tuk ruangah mipi cu khuasung ah an um ngam nawn lo.

Ramlakah an um ih bawm an áš­ul zet, Kalay ah Mindat raltlan pawl bawmnak sumpai suahtu cu ralkap pawlin an rak kai, a kut sungah sumpai ting 170MMK thawn May 19 zanah an kai.

Tuizing May 20 zinglam nazi 10:00 hrawngah a thlennak inntek pa U Thang Mang Ki khal an kai ve. May 19 ah Mindat raltlan pawl hrang ei le in ding va latu tlangval Salai Ki Khaw Kee Thang khal tuitiang a thuhla theih a si nawn lo.

Salai Ki Khaw Kee Thang cu Mindat peng, Madan khua ih um a si. Zing nazi 10:00 hrawngah raltlan pawl ei le in ding cu Mindat khua ah ava la tum ih a thuhla theih a si nawn lo. A innsang pawl cun ralkap pawlin an kai a si ding ti an zum.

Be the first to comment

Leave a Reply

Your email address will not be published.


*