Kalay-Falam-Hakha karlak lamzin ah ralhrang le tualsung mipi ralkap pawl an kap aw ih ralhrang 45 hrawng an thih thu Chin National Organization in July 20, 2022 ah an phuang.
June 30, 2022 ah ralhrang motor 30 le mipum 200 hrawng cu Kalaymyo ihsin Chinram ah an kaiso. Lamzin hmun ṭhenkhat ah ralhrang 50 hrawng cu umhmun khuar in an tanta. Ralhrang pawlin khuasung ṭilva le tlanglo suak hanghnah hangrah pawl an ru ih an eisak.
Ralhrang pawlin June 30 ah Valung khuami rualbanlo kum 64 mi nunau pakhat an kap that, July 2 ah ralhrang pawlin Hlanzawl khua ah harhdamnak ṭha lo mipa pakhat cu hridai thawn an tawnbet ih rapthlak zetin an that.
Ralhrang pawl cu Falam khua lamah an feh vivo ih July 4, 5 le 7 ah CNDF in veithum an rak kap ih amalbik ralhrang 5 an thi ih hliamtuar khal an um nan cazin cu theihfiang a si lo. CNDF lamah ralkap pakhat in hliam a tuar nan seherh um dinhmun a si lo.
July 7 ah ralhrang pawl cu Falam ihsin Hakha lamah an feh. Ralhrang motor 27 le mipum 200 hrawng cu Falam ihsin Hakha lamah an poksuak ih lamzin ah mipi ralkap tangtlang CNDF, CNA, CDF-Thantlang, CDF-Hakha le CJDC special force pawlin an rak kap ciamco.
July 8-11 tiang ah vei-4 an kap aw ih ralhrang 40 hrawng an thi, hliamtuar khal an um. CJDC ralkap thiamsang pawl cu July 16 tiang ral an do bet. Doawknak ah mipi ralkap 14 in hliam an tuar. CJDC special force ralkap pakhat, CDF-Hakha ihsin ralkap pakhat in ram le miphun hrangah a nunnak a hlan
Leave a Reply