Kalay-Gangaw Lamzin Ah An Kapaw Nasa, Mithi Le Hliamtuar An Tam

Sagaing Divisions, Kalay-Gangaw lamzin kiangkap ah ralkap le mipi kilhimtu PDF pawl an kapaw nasa ih mithi le hliamtuar an tam.

September 9 zan ah ralkap pawl cu Thar Lin le Myin Thar khua sungah an va lut ih khuasung minung 20 lenglo cu PDF nan si tin an kap that. An inn le lo khal an urkang ih minung 30 hrawng an kai.

Tuizing September 10 ah tualsung mipi kilhimtu PDF le ralkap pawl cu an kapaw ciamco. Raltlan pakhat in, “Ralkap pawl cu Myin Thar khua ah an va lut ih PDF pawlin an rak kap, mithi khal an tam zet ding. Kan tlan thluh ruangah a cipciar cun kan thei hrih lo” a ti.

Myin Thar khua ah innsang 550 hrawng an um ih khua an suahsan thluh. Thar Lin le Myin Thar tualsung mi in “Khuasung minung 20 hrawng an that, khuasung ih sumpai nei deuh fapa pawl telin minung 30 hrawng an kai. Sithein Pagoda compound sung khalah mithi ruak aum” a ti.

Be the first to comment

Leave a Reply

Your email address will not be published.


*