Kalay-Gangaw Lamzin Ah Chinpa A Thi, A Nupi Naupai Lai Mual A Liamsan

Magway Division, Gangaw District, Monywa-Gangaw-Kalay lamzin ih motor mawng Chinpa cu bomb kammi a pal ngah ruangah September 15 ah a thih thu theih a si.

Gangaw khuami in, “Motor cu ke 12 nei pawl a si, motor neitu cu Kalaymyo ih um a si. Motor tuah dingin Kalaymyo ihsin Mandalay ah a feh tum, thil zianghman a phur lo. Cutin a tlan laiah lamzin kap ih kammi bomb a pal puak ih motor kang ah a hmun ah a thi cih” a ti.

Gangaw ramsung ah Chin miphun pawl an um tambik, Sai Du khuami in “Motor mawngtu cu kanmah laitlang mi a si, Chinram, Tedim peng, Laitui khuami, kum 31 mi Hau Khan Khup a si. Fate 2 nauhak zet le a nupi naupai lai a tanta.

A ruak cu Kalaymyo ah kan phur thei lo, curuangah Sau Du khua ah vuiliam dingin kan la” a ti. Kalay-Gangaw lamzin cu doawknak tualrawn pakhat vek a si ruangah vahsuah tikah fimkhur a áš­ul zet. (#Voice of Myanmar)

Be the first to comment

Leave a Reply

Your email address will not be published.


*