Kalay PDF In Ralkap Pawl An Rak Bawh Ih An Kahnak Ah Mithi Le Hliamtuar An Tam

Tuisun June 27 sun nazi 1:00 hrawngah Kalay PDF pawlin ralkap pawl an rak bawh ih an kahnak ah ralkap thi le hliamtuar an tam thu theih a si.

Ralkap pawl cu Gangaw ihsin Kalay lam ih feh an si, motor 3 in an poksuak ih a sungah ralkap 50 hrawng an to ding ti an zum.

Chaungkuah le Than Pho karlak ah Kalay PDF pawlin an rak kap ciamco ih a malbik ralkap 9 cu an thi ding tin Kalay PDF pawlin an phuang.

Ralkap hliamtuar khal tam zet an um, mipi lamah hliamtuar le mithi an um lo ih himdamten dung an sip thei. June 26 khalah ralkap motor 20 lenglo cu Gangaw ihsin Kalay lamah an feh.

Kalay PDF pawlin Nat Chaung-Chaungkuah khua lan Pan Mon Chaung lilawn kiangah bomb an rak kam. Ralkap pawlin an bomb kammi cu an rial puak ih ralkap thi le hliamtuar an um hnuaihni, asinan mani sun ih mithi le hliamtuar umziat cu an theithei hrih lo.

Be the first to comment

Leave a Reply

Your email address will not be published.


*