Kalay-PDF In Ritheihsii Zuar Nupa An Kap That, Ralrinnak Veihnih An Pe Zo

November 22, 2021 simlam nazi 4:00 hrawngah Kalaymyo, PyiDawTa ih rithiehsii zuar nupa tuakkhat cu Kalay-PDF in an thianfai. Warning veihnih an rak pe zo nan an thlun duh cuang lo, an innsung ah ritheihsii tam zet an hmuh ih an hlonsak thluh.

Ralkap in thuneihnak an lak hnuah Kalaymyo ramsung ah ritheihsii tham an luar deuhdeuh, khua ṭhenkhat ahcun lamzin kap khalah sii an dawtaw lai hmuh ding aum. Ritheihsii zuartu pawlin daan le dun aum nawn lo hi rak hmang tangkai in an cangvai nasa zet.

Ritheihsii tham ruangah khawtlang a siatsuah ih rukru le suamhmang khal an pung ciamco, ṭhenkhat ritheihsii tham pawl cu PDF lem cang in mipi hnenah sumpai an va dil ṭheu. Tuiṭum ih an kahthatmi nupa cu ritheihsii zuartu hminthang an si, kum 36 mi an nu hi ritheihsii ruangah veihnih thawng arak tla zo.

PDF-Kalay mi 6 cu an innsung ah an va lut ih an kap that hnuah an tlan, an ruak cu zanlam ah an vuiliam cih. Kan dung November 7 khalah NatChaung khua ih ritheihsii zuar mipa kum 37 mi cu PDF-Kalay pawlin zan nazi 7:00 hrawngah inn ihsin an hruaisuak ih khawleng ah an kap that.

A ruak cu a zan ah khuasung mipi pawlin an vuiliam. An kahthatmi ritheihsii zuartu in a hlanah, “Ralkap pawlin in zuarter, in ra kai asilen khua hi an urkang ding. Ralkap pawl ka ko hngal ding” tin tualsung mipi pawl arak hringhro zo. October thla ihsin PDF-Kalay in Kalymyo ramsung ih ritheihsii zuar, thamtu pawl hnenah ralrinnak thu an rak pe zo.

Be the first to comment

Leave a Reply

Your email address will not be published.


*