Kalay-PDF Nuralṭha 9 Cu Kalaymyo Thawnginn Ah An Khum, An Innsang Pawl Thawn An Tongaw Thei Hrih Lo

An kaihmi Kalay-PDF Battalion 3 sakhan ih Medical Team nunau 9 cu Kalaymyo thawnginn sungah an khum zo. Tutiang an innsang pawl thawn an tongaw thei hrih lo ih an harhdamnak thuhla khal theih a si lo.

Kalay-PDF ṭuanvo neitu in, “Kalay thawnginn an thleng zo ti kan thei, ton a theih lo. Ei le in lam thilri cu pek a ngah, an harhdamnak thuhla khal kan theithei lo. Thawnginn an thleng zo ti lawng kan thei” a ti. Kalay-PDF nuralṭha 9 cu ralhrang in ziangvek thubuai an orhter ti khal theih a si hrih lo.

Nuralṭha 6 cu November 24 ah Kalay thawnginn ah an khum, 3 cu November 28 sun ah an khum. An kaihmi Lalmuankimi (kum 20) ih unu in, “Thawnginn an thleng zo ti cu kan khawtlang upa’n in ra sim hnu lawngah kan thei, kan dung zarhteni ah an tong. A hnipuan, ei le in pawl kan va pe, thawnginn kiltu hnenah kan pe. Hliamhma a tuar ih seherh aum tuk” a ti.

An kaihmi Kalay-PDF nuralṭha 9 pawl cu kum 30 hnuailam hlir an si ih an hmin cu Lalmuankimi, Laltlanhlui, Malsawmdawngi, Lallawmsangi, Mang Lam Dim, Zam Zo Zaam, Niang Don Cing, Lalpiangfeli le Daisy Vanlalrawni pawl an si. (#Irrawaddy)

Be the first to comment

Leave a Reply

Your email address will not be published.


*