Kalay Mipi Kilhimtu Pakhat Cu A U Ruak Vui Dingin Ava Tlung Ih Ralhrang Pawlin An Kai >>>

December 4, 2021 ah Kalay-PDF tatzin 5th ih training kailai fala kum 20 mi Ma Yun Mimi Kyaw cu ralhrang pawlin an kai. Kan dungnaite ah a unu hi Kalaymyo lamzin parah bike le motor accident-nak ruangah a nunnak a liam. A ruak khal ralhrang pawlin rinhlelnak an neih ruangah an kol lawk ih a phone sungih thilri pawl an zohdik sak.

A unu ih ruak vui dingin an khua Inte Kone ah ava tlung lawk cu an khuasung ih um dalan in ralhrang hnenah a hek ih an kai. An vengsung mi pakhat in, “A unu ruak vuinak caanserh hmang dingin ara tlung ih ralhrang pawlin an rak kai.

A unu cu bike le motor accident-nak ruangah a thi, an khua ah dalan an tamtuk” a ti. Ma Yun Mimi Kyaw cu ralhrang pawlin Kalaymyo sakhan hmunpi ah an hruai. Kalay-PDF tatzin 5th ṭuanvo neitu in, “Training ra kai pawl hi an khua ah an tlungsal asilen a him nawn lo, an khua ihsin an hloh cun dalan in an thuhla an thei cih ṭheu” a ti.

Kum 20 mi Ma Yun Mimi Kyaw cu Kalay-PDF tatzin 5th sakhan thla 3 hrawng training a kai zo, thla 3 hnuah a unu ih ruak thlah dingin ava tlung cu ralhrang pawlin an rak kai.

Be the first to comment

Leave a Reply

Your email address will not be published.


*