Kalay Peng Doawknak Ralhrang 42 An Thi, Mipi Ralkap 2 An Thi

Kalaymyo saklam ah ralhrang le mipi ralkap tangtlang pawl cu ni 3 sung an kap aw ciamco ih ralhrang 42 an thi, mipi ralkap 2 an thi ih hliamtuar 5 an um. July 11 zing ihsin an kap aw thok ih July 13 sun nazi 2:00 tiang an kap aw.

Sithar khua ihsin poksuak ralhrang pawl cu Htaukkyant, Hakhalay khua kiangkap ah mipi ralkap pawlin an rak kap. Mipi ralkap tangtlang pawl cu ပ.က.ဖ (Kalay), PDF Kalay, CNDF, CDFKKG, RKDF le UGF-Kalay pawl an si.

Ram le miphun hrangih nunnak hlantu pahnih cu Kalay-PDF ihsin kum 24 mi San Min Ngun (ဆန်းမင်းငွေ) le CNDF ihsin Salai Lal Biak San (kum 37) an si.

Chin National Organization in, “Chin National Defense Forse (CNDF) ralkap, pasalṭha Salai Lal Biak San (kum 37) cu amah ih tiamkamnak a tuah vekin 2022, July 11 ah Kalay peng, ralram hmun pakhat ah raldo phah in ram le miphun hrang a nunnak a hlan a si.

Miphun dothlengnak hrangih a pimpek awknak parah CNO/CNDF in upatnak sangbik kan pe ih, tantami sungkua pawl thawn bangrep in kan tuar zet a si.

Chin paralṭha kan miphun ralkap Salai Lal Biak San, ram le miphun hrang na pum pekawknak le na ruahsannak pawl hi na tantami na ṭuanpi CNO/CNDF in kan hngilh dah lo dingih thahrum hmangin thuneihnak a cuhtu SAC ralhrang ralkap pawl an cimit ṭheh tiang kan run do ding a si tiah a feh liam zotu na ṭuanpi paralṭha pawl le na hmin sal in thu kan lo kam a si”.

Be the first to comment

Leave a Reply

Your email address will not be published.


*